👉 Protokolli i masave për parandalimin e dëmtimeve nga i nxehti!

Për çdo Urgjencë Mjekësore telefononi 127!

👉 Ndihma e parë: Goditja nga i nxehti ‼️

Për çdo Urgjencë Mjekësore telefononi 127!

Dita Botërore e Dhurimit të Gjakut

Slogani për fushatën e këtij viti: “Jepni gjak, jepni plazma, ndajeni jetën, ndajeni shpesh”.🩸

Dita u krijua për të rritur ndërgjegjësimin global për nevojën për gjak të sigurt dhe produkte gjaku për transfuzion

Dita ofron gjithashtu një mundësi për të thirrur në veprim qeveritë dhe autoritetet kombëtare shëndetësore për të siguruar burime të përshtatshme në përputhje me nevojat e shtuara për gjak.

14 Qershor 2023

📞1️⃣2️⃣7️⃣

Qendra Kombëtare Urgjencës Mjekësore

30 qendra shëndetësore verore do të hapen më 15 Qershor në zonat turistike bregdetare dhe malore, për të garantuar kujdes shëndetësor cilësor për pushuesit dhe turistët që do të frekuentojnë Shqipërinë këtë sezon veror

☀️🇦🇱👩🏻‍⚕️ 👨‍⚕️ 🏥 🚨🚑🩺🔬

Si të kërkojmë ndihmë mjekësore?

📞 Telefononi 1️⃣2️⃣7️⃣ / 1️⃣1️⃣2️⃣

◾️ Jepni adresën e plotë ku ndodhet i sëmuri (qytet, fshat, rrugë, kryqëzim, pallat, institucion dhe çdo pikë referimi pranë jush).

◾️ Jepni një numër kontakti (personi që telefonon/ shoqëruesi i të sëmurit ose vetë i sëmuri nëse ai është telefonuesi).

◾️ Përshkruani shkakun/ arsyen e telefonatës dhe dinamikën e ngjarjes.

◾️ Jepni të dhënat personale të pacientit nëse i dini (emrin, mbiemrin, gjininë, moshën).

🟥 Kujdesuni që numri i kontaktit që ju jepni, të jetë i disponueshëm për të krijuar mundësinë e komunikimit në çdo kohë me ekipin tonë.

👉 Shpëtimi i Jetës Suaj - Misioni Ynë! 🚑

Dita Botërore e Mjedisit

📍5 Qershori u caktua si Dita Botërore e Mjedisit në vitin 1972, nga Asambleja e Përgjithshme e OKB-s. U zgjodh kjo datë sepse përkon me ditën e hapjes e Konferencës së Kombeve të Bashkuara mbi Mjedisin, që u mbajt në vitin 1972 në Stokholm, nën udhëheqjen e Programit Mjedisor të Kombeve të Bashkuara.

👉 Qëllimi i kësaj dite është që të realizohen aksione për të arritur ndryshime pozitive në mbrojtjen e mjedisit dhe shëndetit human si dhe të shtohet vetëdija rreth çështjeve të mjedisit.

👉 Tema e Ditës Botërore të Mjedisit për vitin 2023 është në kuadër të fushatës #Mund #Ndotjen #Nga_Plastika - "Rivendosja e Ekosistemit".

5 Qershor 2023

🚭 31 Maj 2023 - Dita Botërore PA Duhan 🚭

❌ STOP Pirjes së Duhanit 🚭 - Mos lejo që Duhani të të marr Jetën!

👉 Çdo vit në 31 maj, OBSH dhe partnerët organizojnë Ditën Botërore pa Duhan. Qëllimi i kësaj dite është rritja e ndërgjegjësimit lidhur me rreziqet që sjell përdorimi i duhanit, ndërmarrja e politikave efektive me qëllim uljen e përdorimit të tij, çfarë bën OBSH për të luftuar epideminë e duhanit dhe çfarë mund të bëjnë njerëzit në të gjithë botën për të kërkuar të drejtën e tyre për shëndet dhe jetë të shëndetshme si dhe për të mbrojtur brezat e ardhshëm.

👉 Kjo ditë është shpallur në vitin 1987 nga vendet anëtare të OBSH, të cilat synonin rritjen e informimit dhe ndërgjegjësimit të popullatës mbi dëmet dhe rreziqet e duhanit, si dhe inkurajimin e reduktimit të prodhimit dhe përdorimit të duhanit.

👉 Statistika • Duhani vret deri në gjysmën e përdoruesve të tij. • Ka 1.3 miliardë përdorues të duhanit në botë. Ky numër pritet të rritet 📈 në 1.6 miliardë gjatë dy dekadave të ardhshme. • Duhani vret më shumë se 8 milionë njerëz çdo vit. Më shumë se 7 milionë nga këto vdekje janë rezultat i përdorimit të drejtpërdrejtë të duhanit, ndërsa rreth 1.2 milionë janë rezultat i ekspozimit të joduhanpirësve ndaj tymit të duhanit. • Mbi 80% e 1.3 miliardë përdoruesve të duhanit në botë jetojnë në vende me të ardhura të ulëta dhe të mesme.

👉 Tema e këtij viti është “Ne kemi nevojë për ushqim, jo duhan”.

31 Maj 2023

🩺Dita Botërore e Urgjencës Mjekësore🩺

“Siguria Juaj – Prioriteti Ynë”

👉Dita Botërore e Urgjencës Mjekësore (apo Mjekësisë së Urgjencës) festohet çdo vit më 27 maj, ditën kur në Londër në vitin 1994, një grup Mjekësh Urgjence nënshkruan aktin themelues të Shoqatës Evropiane për Mjekësinë e Urgjencës. Një specialitet i ri, për të siguruar të gjithë qytetarët e kontinentit të vjetër, një përgjigje profesionale, në kohë, në çdo gjendje shëndetësore akute, në të vërtetë emergjente.

👉 Në këtë ditë synohet që të rritet ndërgjegjësimi i mbarë popullatës në lidhje me rolin dhe funksionin e Mjekësisë së Urgjencës.

👉 Më 27 maj, duam të inkurajojmë qytetarët, pacientët, personelin e kujdesit shëndetësor dhe institucionet anembanë botës që të flasin për mjekësinë e urgjencës dhe të bëjnë projekte për progres në këtë disiplinë.

👉 Mjekët specialistë të Urgjencës, zotërojnë njohuritë dhe aftësitë bazë për të trajtuar problemet akute shëndetësore të pacientëve, janë të aftë të caktojnë përparësitë në trajtim dhe kujdes. Specialiteti i Mjekut të Urgjencës është një specialitet relativisht i ri në botë, i certifikuar për herë të parë në SHBA në vitet ‘70. Në vendin tonë, në vitin 2011 filloi specializimi 4 vjeçar, për specialistët e parë si 'Mjekë Urgjence' që u diplomuan në vitin 2015.

👉 Të gjitha hallkat e Sistemit të Shërbimit e Urgjencës Mjekësore janë të hapura në çdo kohë, në çdo orë të ditës apo natës, në çdo ditë të javës. Të gjithë profesionistët e kujdesit mjekësor të urgjencës, mjekë, infermierë, personel ndihmës, janë gjithmonë pranë jush, edhe në mes të natës, edhe gjatë festave.

27 Maj 2023

Dita Botërore e Tiroides

👉 Dita Botërore e Tiroides shënohet çdo vit më 25 maj për të edukuar njerëzit mbi sëmundjet e tiroides dhe për të qenë të vetëdijshëm për simptomat. Kjo ditë u kushtohet njerëzve që vuajnë nga çrregullimet e tiroides dhe studiuesve që janë të përkushtuar për studimin dhe trajtimin e sëmundjeve të tiroides në mbarë botën. Sëmundjet e tiroides mund të jenë kërcënuese për jetën nëse nuk trajtohen herët. Megjithatë, menaxhimi dhe trajtimi i hershëm mund t'i bëjnë ato të shërueshme.

📌Disa fakte:

1. Sëmundjet e gjëndrës tiroide janë ndër çrregullimet endokrine më të përhapura në mbarë botën, të dytat pas diabetit.
2. 1 në 10 njerëz në mbarë botën do të vuajë nga një formë e çrregullimit të tiroides.
3. Sëmundjet e tiroides mund të prekin më shumë femrat sesa meshkujt.
4. Hipotiroidizmi është më i zakonshëm tek të moshuarit ndërsa hipertiroidizmi prek më shumë të rinjtë.
5. Nënat në pritje me probleme të padiagnostikuara të tiroides përballen me një rrezik të shtuar të abortit, lindjes së parakohshme dhe probleme në zhvillimin e fëmijëve të tyre.
6. Nëse nuk trajtohet herët, sëmundja e tiroides mund të shkaktojë edhe sëmundje të zemrës, osteoporozë dhe infertilitet.

25 Maj 2023

“Strengthening of CBRN Medical Preparedness and Response Capabilities in SEEE countries”

Contribution Agreement IFS/2021/424-037

👉 Nga data 22-24 maj u zhvillua në Tiranë takimi i radhës i grupit të ekspertëve nga 10 shtete (Albania, Armenia, Azerbajxhani, Bosnja dhe Hercegovina, Gjeorgjia, Maqedonia e Veriut, Mali i Zi, Ukrahina, Moldavia). Ky project është mbështetur nga Bashimi Europian dhe Centres of Excellence. Në kuadër të Projekt 88 “Strengthening of CBRN (chemical,biological,radiologic,nuclear) Medical Preparedness and Response Capabilities in SEEE countries (South East European Countries), gjatë ditës së sotme ishte në program edhe vizita e delegacioneve në ambientet e QKUM-së. Qëllimi i këtij projekti është fuqëzimi i kapaciteteve dhe përgatitja mjekësore në fushën e CBRN.

Dita Botërore e Hipertensionit

Matni me saktësi presionin e gjakut, Kontrollojeni atë, Jetoni më gjatë.

👉 Dita Botërore e Hipertensionit festohet çdo vit më 17 maj për të rritur ndërgjegjësimin e përbashkët të publikut në lidhje me hipertensionin, masat parandaluese dhe komplikacionet e tij, përmes shumëllojshmërisë të aktiviteteve dhe ngjarjeve. Dita Botërore e Hipertensionit çdo vit përdor një temë të caktuar për të bërë fushata efektive në nivel ndërkombëtar, të zgjedhur nga Liga Botërore e Hipertensionit. Presioni i gjakut, i rekomanduar nga Liga Botërore e Hipertensionit, duhet të jetë më pak se 140/90 mmHg për popullatën e përgjithshme dhe hypertensivët pa komplikacione, ndërsa për njerëzit me diabet mellitus ose sëmundje kronike të veshkave, tensioni duhet të jetë më pak se 130/80 mmHg.

📌Disa këshilla:

1. Mbani një peshë të shëndetshme.
2. Kufizoni sasinë e kripës.
3. Konsumoni më pak alkool.
4. Konsumoni një dietë të ekuilibruar dhe të shëndetshme bazuar në perime dhe fruta, drithëra, produkte ushqimore me pak yndyrë, peshk dhe bishtajore.
5. Bëni një jetë sa më aktive.
6. Merrni ilaçet rregullisht sipas rekomandimit të mjekut.
7. Shmangni përdorimin e duhanit, si dhe vendet ku pihet duhani.
8. Menaxhoni stresin për të përmirësuar aftësitë dhe shëndetin tuaj.

12 Maj 2023

Dita Ndërkombëtare e Infermierëve 👩‍⚕️👨‍⚕️

👨‍⚕️ 📩 Një mesazh falënderimi, mbështetje dhe solidariteti për të gjithë infermierët, për kontributin e tyre të çmuar në shërbim të pacientëve.

👉 Kjo ditë festohet cdo vit në ditën e lindjes së Florence Nighintgale (12 maj 1820) infermiere e cila konsiderohet si themeluese e shkencave moderne infermierore. “Kjo punë nuk është thjesht një teknikë – ka shkruar Nightingale -, por një dije që përfshin shpirtin, mendjen dhe imagjinatën”.

📌Mbas pandemisë COVID-19 bota ka parë rolin thelbësor të infermierisë në sigurinë e pacientit.

12 Maj 2023

BLS&D

Basic Life Support and Defibrillation

👉 Me kërkesë të veçantë të UISH (Urdhëri Infermierit të Shqipërisë), Qendra Kombëtare e Urgjencës Mjekësore realizoj kursin me temë BLS&D. Pjesëmarrësit ishin personeli mjekësor i Qendrave Shëndetësore dhe SUT.

👉 Ky kurs përmban leksione dhe pjesë praktike rreth RKP (Reanimacioni Kardio-Pulmonar), përdorimi i AED-së dhe manovrat jetëshpëtuese për latantët, fëmijët dhe adultët.

👉 Personeli mjekësor i Qendrave Shëndetësore Tiranë dhe personeli i SUT (Spitali Universitar i Traumës) morën leksione rreth BLS&D (Basic Life Suport and Defibrillation), e cila përfshin një tërësi procedurash emergjente, për të garantuar mbijetesën e pacientit deri në dhënien e ndihmës mjekësore të specializuar në spital.

11 Maj 2023

PHTLS

Pre-Hospital Trauma Life Support

Kursi përmirëson cilësinë e kujdesit për traumat dhe ul vdekshmërinë. Qëllimi i zhvillimit të këtij trajnimi është përmirësimi i shërbimit të urgjencës paraspitalore në rastet e traumave. Ky kurs përmban disa leksione të ndërthurura me raste praktike dhe simulime në lidhje me menaxhimin e rasteve traumatike tek foshnjet, adultët, gratë shtatzëna, të moshuarit, për të mësuar teknikat më të reja.

Temat që trajtohen në kurs janë:

1. Teknikat "Reduktimi i lëvizjeve të kolonës vertebrale"
2. Kinematika (Fizika e traumës).
3. Vlerësimi i skenës në vendngjarje dhe i pacientit.
4. Rrugët ajrore. Intubimi.
5. Respiracioni, ventilimi dhe oksigjenimi.
6. Qarkullimi, hemorragjitë dhe shoku.
7. Vlerësimi Neurologjik (Lezionet cerebrale traumatike/trauma spinale).
8. Praktikë: Nxjerrja e shpejtë e të aksidentuarit - Teknikat + Shoku.
9. Praktikë: Skenarë dhe simulime ABC.

3-4 Maj 2023

Dita Botërore e Astmës

Dita Botërore e Astmës është një event botëror i përvitshëm që organizohet të martën e parë të muajit Maj nga Iniciativa Globale për Astmën (GINA) dhe OBSH, për të rritur ndërgjegjësimin dhe kujdesin ndaj astmës kudo në botë. Iniciativa Globale për Astmën (GINA) si temë për vitin 2023 ka zgjedhur: ‘Kujdesi ndaj astmës për të gjithë’.

👉Ç’është Astma? Astma është një sëmundje inflamatore kronike e rrugëve të frymëmarrjes e karakterizuar nga kriza periodike që shfaqen kryesisht me probleme në frymëmarrje dhe spazma bronkiale, të cilat variojnë në ashpërsi dhe frekuencë nga një person tek tjetri. Astma prek njerëzit e të gjitha moshave dhe shpesh fillon në fëmijëri, megjithëse mund të zhvillohet për herë të parë edhe tek të rriturit.

👉 Egzistojnë dy forma të astmës:

1. Alergjike – Astma alergjike, është forma më e zakonshme (90% të të gjitha rasteve) dhe zakonisht zhvillohet në fëmijëri. Astma alergjike shpesh në moshën e rritur mund të kalojë, por megjithatë, në 75% të rasteve, astma rishfaqet më vonë.
2. Forma jo-alergjike haset në rreth 10% të rasteve. Kjo zakonisht zhvillohet pas moshës 30 vjeç dhe zakonisht nuk është e lidhur me shkaqe alergjike. Më shpesh preken gratë dhe ato bëjnë infeksione të traktit respirator.

👉 Simptomat e astmës përfshijnë teshtima, kollë, dhimbje gjoksi dhe frymëmarrje të shpeshtë. Këto simptoma mund të shfaqen disa herë brenda ditës apo javës dhe mund të përkeqësohen gjatë aktivitetit fizik, natën, etj. Pra variojnë te pacientë të ndryshëm.

2 Maj 2023

Dita Botërore e Melanomës

📍Diagnostikimi i hershëm shpëton jetë📍

👉 Shenjat paralajmëruse të melanomës (ABCDE):

1. Asimetria e nishanit.
2. Kufij jo të qartë të nishanit.
3. Ngjyrë jo uniforme.
4. Diametri mbi 6 mm
5. Evolucioni i nishanit - ndryshim në kohë i formës, madhësisë apo ngjyrës.

👉 Grupet më të rrezikuar për të zhvilluar melonomë janë personat që kanë: - Lëkurë të bardhë. - Djegie nga dielli. - Ekspozim të tepruar ndaj rrezeve ultravjollcë të diellit, i cili rrit rrezikun e zhvillimit të kancerit të lëkurës. - Nishane të shumta apo nishane të pazakonta në pjesë të ndryshme të trupit. - Histori familjare të melanomës. - Sistem imunitar të dobësuar.

👉Parandalimi dhe zbulimi i hershëm Masa më e rëndësishme për parandalimin e kancerit të lëkurës është mbrojtja efektive nga rrezet ultravjollcë. Më poshtë paraqiten disa mesazhe kyç për parandalimin e zhvillimit të melanomës: •Të shmanget me çdo kusht djegia nga dielli. •Të qëndrohet në hije midis orëve 11.00 – 15.00, atëherë kur ngarkesa me rreze UV është më e madhe. •Të mbahen kapelë, syze dielli dhe rroba të përshtatshme. •Të përdoret krem me faktor të lartë mbrojtës. •Të mos ekspozohen kurrë drejtpërdrejt në diell, foshnjat deri në moshën një-vjeçare. •Veçanërisht fëmijët ёshtё mirë të mbrohen nga dielli.

1 Maj 2023

PHTLS

Pre-Hospital Trauma Life Support

Është mbyllur me sukses trajnimi 2-ditor PHTLS (Pre-Hospital Trauma Life Support) i zhvilluar në Qendrën Kombëtare të Urgjencës Mjekësore. Ne e kemi përmendur vazhdimisht, se TRAJNIMI është shumë i rëndësishëm, pasi është baza e shpëtimit të jetës dhe përmirësimit të shërbimit në mos invalidimin e pacientëve gjatë aksidenteve automobilistike dhe të llojeve të tjera të aksidenteve apo traumave.

Fatmirësisht vitet e fundit urgjenca paraspitalore është pajisur me mjete të teknologjisë së fundit për dhënien e ndihmës së parë, por nëse nuk di ti përdorësh është sikur të mos i kesh, ndaj trajnimet e vazhdueshme të personelit mjekësor dhe mbështetës, janë të domosdoshme, veçanërisht me përditësimet mbi trajtimin e traumës. Është shumë i rëndësishëm momenti kur personeli mbërrin në vendngjarje dhe veprimet që ai kryen. Nga mënyra e imobilizimit, identifikimit të dëmtimeve dhe trajtimit varet jeta e pacientit dhe niveli i invaliditetit.

👉 Në fund të trajnimit u krye testimi teorik dhe ai praktikë.

👉 Në këtë kurs morën pjesë mjek dhe infermier nga QKUM, Spitali Rajonal Fier, Spitali Lushnje, Mallakastër dhe QSH Roskovec.

TRAJNIMI I STAFEVE TE KOPSHTEVE

Me datën 18 dhe 19 prill në ambientet e Fakultetit të Shkencave Sociale u realizua trajnimi i parë i 200 stafeve edukative të çerdheve dhe kopshteve për mënyrën e dhënies së ndihmës së parë.⛑🩹🚑.

📌Dhënia e ndihmës së parë në vendngjarje (çerdhe ose kopsht) për të gjitha tematikat e mëposhtme si:

👉Trauma

👉Epilepsia

👉Alergjitë

👉Çrregullimet e koshiencës

👉Hipotermia dhe hipertermia

👉Plagët

👉Diegiet

👉Mbytja

👉Hemorragjia

👉Mjekimet

👉BLS&D

Trajnimi u realizua si bashkëpunim i Qendrës Kombëtare të Urgjencave Mjekësore dhe Drejtorisë së Kujdesit Shëndetësor dhe Shërbimeve të Integruara. Një trajnim shumë efikas dhe i nevojshëm për mirërritjen e sigurtë të fëmijëve👦🏻👧🏼 tanë që do të vijojë edhe me pjesën tjetër të stafeve.

18-19 Prill 2023

DITA BOTËRORE E HEMOFILISË 🩸

🩸 Çfarë ёshtё hemofilia? Hemofilia ёshtё njё çrregullim i koagulimit (mpiksjes) së gjakut. Personat me hemofili kanё mungesё tё faktorёve tё koagulimit dhe proteinave qё kontrollojnё dhe ndalojnё hemoragjinё qё ndodh nё organizёm. Hemofilia është një gjendje shëndetësore e cila mund të bëhet kërcënuese për jetën nëse nuk identifikohet herët dhe nuk mbahet nën kontroll.

🩸 Tipet e hemofilisë Tipi mё i shpeshtё i hemofilisё ёshtё hemofilia A, e cila shkaktohet nga mungesa e faktorit VIII tё koagulimit. Hemofilia B ёshtё mё pak e shpeshtё dhe shkaktohet nga mungesa e faktorit IX tё koagulimit. Njё person qё lind me hemofili do ta ketё kёtё patologji gjatё gjithё jetёs.

🩸 A ёshtё hemofilia njё sёmundje ngjitёse? Hemofilia ёshtё njё sёmundje e trashёguar qё transmetohet nga njё brez nё tjetrin nёpёrmjet gjeneve. Njё individ i lindur me kёtё sёmundje mund tё transmetojё gjenet pёrgjegjёse te brezat pasardhёs (fёmijёt, nipёrit, mbesat) por s’mund ta transmetojё atё nё komunitet ashtu si sёmundjet infektive, si p.sh. gripi.

🩸 Cilat janё shenjat dhe simptomat e sёmundjes? Shenjat e hemofilisё A dhe B janё tё njёjta: • Nxirje e lёkurёs, hematoma. • Hemorragji nё muskuj dhe artikulacione. • Hemorragji spontane (hemoragji nga hundёt apo hemoragji tё tjera qё ndodhin pa shkak). • Hemorragji e zgjatur pas prerjes, heqjes sё dhёmbёve, ndёrhyrjeve kirurgjikale apo goditjeve dhe aksidenteve. 👉Hemorragjitё nё muskuj apo artikulacione shkaktojnё: • Dhimbje. • Ënjtje. • Ngurtёsim, kufizim tё lёvizjes. • Vёshtirёsi pёr të lёvizur artikulacionin.

🩸Si trajtohet hemofilia? Mёnyra e vetme e trajtimit tё hemofilisё ёshtё nёpёrmjet zёvendёsimit tё faktorёve tё koagulimit. Kjo bёhet nёpёrmjet dhёnies intravenoze tё herёpashershme dhe nё mёnyrё periodike tё faktorit qё mungon. Nё kёtё mёnyrё mund tё parandalohen episodet e hemor.agjive spontane dhe periodike, tё cilat nёse nuk trajtohen çojnё nё komplikacione si ankilozat.

Kursi Lifeguard & Ndihma e Parë

Qendra Kombëtare Urgjencës Mjekësore në bashkëpunim me Universitetin e Sporteve të Tiranës realizuan ditën e parë të kursit Lifeguard për dhënien e ndihmës së parë në det. Pjesëmarrës në këtë event ishin studentë, pedagog dhe instruktor palestre të UST.

Kursi përfshin këto tema:

1. Parandalimi i aksidenteve dhe mbytjeve në det. 🏖
2. Mënyrat e hyrjes në det 🏊‍♂️ të lifeguard (dhënës i ndihmës së parë) që kërkon të ndihmojë viktimën që po mbytet.
3. Manovrat e shpëtimit së viktimës ne det.
4. Mënyrat e transportimit dhe nxjerrjes së viktimës nga deti në tokë.🏊‍♂️🏊‍♀️
5. Manovrat bazë të jetëshpëtimit (BLS) kur viktima është jo-koshient.
6. BLS&D (Basic Life Support and Defibrillation)
7. Bllokimi i plotë dhe i pjesshëm i rrugëve të frymëmarrjes.😎 AED (Automatic External Defibrillation)
8. RKP me një dhe dy dhënës të ndihmës së parë.
9. Pozicioni lateral i sigurisë.

11 Prill 2023

Dita Botërore e Shëndetit

Rëndësia e Ditës Botërore të Shëndetit:

• * Dita Botërore e Shëndetit rrit ndërgjegjësimin për çështje të rëndësishme shëndetësore që prekin komunitetet në mbarë botën.
• * Dita Botërore e Shëndetit ka frymëzuar krijimin e fushatave të shumta shëndetësore dhe programeve edukative për të promovuar një mënyrë jetese të shëndetshme dhe për të ndaluar sëmundjen.

Këtë vit, Organizata Botërore e Shëndetësisë (OBSH) po fokusohet në këto çështje kryesore shëndetësore në botë.

1. Sëmundjet jo të transmetueshme
2. Sëmundjet infektive
3. Shëndeti i nënës dhe fëmijës
4. Rreziqet mjedisore
5. Mbulim shëndetësor universal
6. Infertiliteti

Publikuar më 7 Prill 2023

BLS&D

Basic Life Support and Defibrillation

👉 Me kërkesë të veçantë të UISH (Urdhëri Infermierit të Shqipërisë), Qendra Kombëtare e Urgjencës Mjekësore realizoj kursin me temë BLS&D. Pjesëmarrësit ishin personeli mjekësor i NJVKSH- ve (Njësia Vendore e Kujdesit Shëndetësor) Tiranë.

👉 Ky trajnim i mbajtur në ambientet e QKUM-së ka për qëllim aftësimin e personelit mjekësor për dhënien e ndihmës së parë dhe mbajtjen e parametrave jetësor. Gjatë trajnimit, pati leksione teorike dhe ushtrime praktike mbi menaxhimin e urgjencave mjekësore. Personeli mjekësor i Qendrave Shëndetësore mori leksione rreth BLS&D (Basic Life Suport and Defibrillation), e cila përfshin një tërësi procedurash emergjente, për të garantuar mbijetesën e pacientit deri në dhënien e ndihmës mjekësore të specializuar në spital.

👉 Ky trajnim i mbajtur në ambientet e QKUM-së ka për qëllim aftësimin e personelit mjekësor për dhënien e ndihmës së parë dhe mbajtjen e parametrave jetësor. Gjatë trajnimit, pati leksione teorike, ushtrime praktike mbi menaxhimin e urgjencave mjekësore dhe në fund të trajnimit realizohet një provim dhe më pas marrja e certificatave.

📌 Trajnimi dhe përditësimi, janë e vetmja mënyrë e ruajtjes së jetës, cilësisë dhe standarteve të një shërbimi mjekësor.

AKT MARREVESHJE

Trajnim i rojeve bregdetare

✍️Rektori i Unversitetit të Sporteve të Tiranës Prof.Dr. Agron KASA si dhe Drejtori i Përgjithshëm i Qendrës Kombëtarë të Urgjencave Mjekësore Z. Skender Brataj firmosën në ambjentet e kësaj qendre AKT-MARRËVESHJEN PËR TRAJNIMIN DHE ÇERTIFIKIMIN E ROJEVE BREGDETARE NË REPUBLIKËN E SHQIPËRISË.

💢 Kjo akt-marrëveshje erdhi si rezultat i propozimit të adresuar nga Ministria e Turizmit dhe Mjedisit dhe Ministria e Shëndetësisë dhe Mbrojtjes Sociale, duke krijuar kështu një kurrikul të plotë për formimin e rojeve bregdetare dhe për plotësimin e nevojave të sezonit turistik duke respektuar të gjitha parashikimet ligjore.

📌Universiteti i Sporteve të Tiranës dhe Qendra Kombëtare Urgjencës Mjekësore do të angazhojnë të gjitha burimet e tyre njerëzore dhe kapacietet infrastrukturore për realizimin me sukses të trajnimit dhe çertifikimin e rojeve bregdetare.

Publikuar më 20 Janar 2023

MISION I PLOTESUAR

Mbarëvajtja e ndeshjes finale të UEFA Conference League që mikëpriti Tirana

Asistenca shëndetësore është një nga pikat më të vështira në një event si finalja e UEFA Conference League.

Planifikimi, organizmi dhe pjesëmarrja aktive janë vendimtare për të realizuar sa më mirë misionin e ruajtjes së shëndetit të qytetarëve. Eventi ishte një festë e bukur për Shqipërinë dhe një vlerësim nga UEFA.

Publikuar më 26 Maj 2022

Dita Botërore e Veshkave

Dita Botërore e veshkave është një fushatë globale ndërgjegjësimi që synon rritjen e vetëdijes për rëndësinë e veshkave në shëndetin e përgjithshëm të njeriut dhe të informojë botën rreth mënyrave për të parandaluar sëmundjet e veshkave.

👉 10% e popullatës (1 në 10 persona) në mbarë botën preket nga sëmundjet kronike të veshkave (SKV).

👉 Gjysma e njerëzve të moshës 75 vjeç e lart kanë probleme me SKV-të.

👉 Sëmundjet e veshkave mund të prekin të gjitha moshat dhe rracat.

👉 1 në 5 Meshkuj dhe 1 në 4 Femra midis grupmoshës 65 – 74 vjeç kanë SKV.

👉 Përafërsisht 1 në 3 të rritur me diabet dhe 1 në 5 të rritur me presion të lartë të gjakut mund të kenë sëmundje të veshkave.

BLS

BASIC LIFE SUPPORT

Mbajtja e parametrave jetësorë. Nënkupton një sërë procedurash urgjente dhe joinvazive. Ato janë procedura që garantojnë sigurinë e vet personelit, të skenës, të pacientëve dhe uljen e invaliditetit. Menyrën e kërkesës për ndihmë, veprimet e bëra në vendngjarje. Si bëhet masazhi kardiak dhe frymëmarrja në rast arresti kardio-respirator.

Sipas programit.